Adimen Artifizialak (AA) zuk baino lehenago sortzen badu hipotesi zuzena, norena da aurkikuntza? Eta zer esan nahi du gobernu batek — Ameriketako Estatu Batuetako Genesis Mission bezalako ekimenen bidez — AA erabiliz erantzun azkarrak zein galdera zientifikori eman behar zaizkien aurrez hautatzen aritzeak? Intuizioak, zorteak edo “eureka uneak” lekurik izaten jarraitzen al du estatutik zuzentzen den zientzia gero eta automatizatuago batean?
Gogoeta horiek guztiak diziplina zientifiko guztietako doktoretza-ikasleei zuzendutako Scientific Discovery in the Era of AI workshoparen parte izango dira. Workshop hori Passion for Knowledge 2026 jaialdiaren baitan antolatu da, Euskampus Fundazioarekin elkarlanean.
Formakuntza-jardunaldiak elkarrizketaren erdigunean jarriko ditu doktoretzako ikasleak. Lehenik eta behin, talde txikietan bilduko dira, hainbat galdera eztabaidatzeko eta Passion for Knowledge jaialdira gonbidatutako bi kideei zer galdera egin erabakitzeko.
Atsedenaldiaren ondoren, azken zatian, ikasleen eta hizlarien arteko elkarrizketa irekia izango da, eta ikertzaile gazteen ahotsak eta ikuspegiak ardatz izango dituen truke-gune bat sortuko da.
Doktoretza-ikaslea edo edozein diziplinatako doktoratu aurreko ikertzailea zara?
Eman izena: https://event.meetmaps.com/ScientificDiscoveryintheEraofAI/en/registration
Plaza mugatuak: 100 parte-hartzaile! Tailerra ingelesez egingo da oso-osorik
Irailaren 30ean, asteazkena, 9:30etik 13:30era
Miramar jauregia, Donostia