Victoria Eugenia Antzokiko ateak umoreari eta eszeptizismoari zabalduko zaizkio, Naukas plataformako zientzia-dibulgazioaren eta -komunikazioaren erreferenteen parte-hartzearekin. Saioa EHUko Kultura Zientifikoko Katedraren lankidetzarekin antolatu da.
Hitzaldi laburren formatu dinamikoaren bidez, ezustekoak izango dira, eta dibulgazioa sekulako ikuskizun bihurtuko da. Horretarako, Naukaseko kolaboratzaileak agertokira igoko dira hainbat gai zientifikori buruz duten ikuspegi berezia partekatzeko. Naukas Passion saioak jaialdiaren programa nagusiaren parte dira, eta hitzaldi nagusien edo osoko hitzaldien ondoren egingo dira.
Jaialdiko saio publiko guztietarako sarrera (Naukas Passion saioetarakoa barne) doakoa eta librea izango da tokia bete arte. Horretarako, dena den, aldez aurretik doako sarrera eskuratu beharko da.
Hizketaldiak gaztelaniaz izango dira, eta euskararako nahiz ingeleserako interpretazio-zerbitzua eskainiko da.
