Aranzadi Zientzia Elkarteko bazkide aktiboa da, eta bertan dibulgazio- eta hezkuntza-proiektuak garatzen ditu. 2016an Zuzendaritza Batzordean sartu zen, eta 2018tik 2023ra Astronomia Saila zuzendu zuen. Zortzi urtez planetarista gisa lan egin zuen Eureka! Zientzia Museoan, eta bertan kultura zientifikoa sustatzeko jarduerak ere koordinatu zituen. Aranzadin, bereziki, tailerrak antolatzen eta heldu, gazte eta haurrei zuzendutako ikastaroak ematen aritzen da. Animazio Soziokulturaleko Teknikaria da, eta Gizarte Bazterketa Arriskuan dauden Kolektiboentzako Gizarte Hezkuntzan espezializatu da, baita Kultura Proiektuen eta Espazioen Kudeaketan ere.
2021az geroztik, Espainiako Astronomia Elkarteen Federazioko Zuzendaritza Batzordeko kidea da, eta Federazioak sustatutako Emakume Astronomoen Taldeko kidea ere bada. 2024an, Donostian antolatutako Espainiako Astronomia Elkartearen Astronomiako IV. ProAm Kongresua koordinatu zuen, eta Madrilen egiten den Astronomiako XXVI. Estatu Kongresuko Batzorde Zientifikoko kide izatera pasa zen.
