2009az geroztik, DIPCk top@DIPC – Zientziarekin solasean! izeneko topaketa jendetsuak antolatzen ditu. Bertan, Nobel saridunak eta nazioarteko zientzia arloko ordezkari entzutetsuak Euskadiko bigarren hezkuntzako ikasleekin elkartzen dira, Pedro Miguel Etxenikek gidatutako saioan. P4K jaialdiaren barruan, gonbidatutako zientzialari ospetsuen presentzia baliatzen da topaketa horien urteko edizioa egiteko.
Topaketen helburu nagusia gazteen artean zientziarekiko jakin-mina piztea eta bokazio zientifikoak sustatzea da. Topaketetan, ikasleek gonbidatutako pertsonen ibilbide zientifikoa eta pertsonala lehen eskutik ezagutzeko aukera dute. Ikastetxeek aldez aurretik ikasgelan lantzen dituzte parte hartuko duten zientzialarien biografiak, eta egin nahi dizkieten galderak prestatzen dituzte. Topaketan zehar, izena emandako ikastetxe guztiek galderak egiteko aukera izango dute, ausaz galderak hautatuko dituen zozketa-sistemaren bidez.
P4K 2026 jaialdiaren barruan, Zientziarekin solasean! topaketen XVI. edizioa egingo da, programatutako bi saiorekin. Irailaren 29an, topaketa Donostian (Victoria Eugenia Antzokian) egingo da, eta urriaren 1ean Bilbon (Bizkaia Aretoa, EHU). Giro lasaian, ikasleek zientzialari ezagunekin hitz egiteko eta haiei zuzenean beren galderak egiteko aukera izango dute.
Saioak
- Irailak 29, Victoria Eugenia Antzokia (Donostia), 09:00-12:30
- Urriak 1, Bizkaia Aretoa (Bilbo), 09:00-12:30
Egitaraua
- 9:00-9:30 Ikasle eta irakasleei harrera.
- 9:30-11:30 Topaketa ikasleekin.
- Ongi etorri instituzionala eta zientzialari gonbidatuen aurkezpena.
Galdera tartea eta galdera onenaren sari banaketa Telefonikaren eskutik.
- Ongi etorri instituzionala eta zientzialari gonbidatuen aurkezpena.
- 11:30 Familia argazkia eta hamaiketakoa.
- 12:30 Amaiera
Irailean emango dugu programaren berri, eta orduan irekiko dugu izen-ematea. Jarduera doakoa da. Harpidetu irakasleei zuzendutako informazio-buletinean informazio eguneratua jasotzeko
Galdera onenari saria
Topaketa bakoitzean, ikasleek egindako galderarik interesgarriena edo originalena sarituko da. Sari hori Telefónicaren eta Fundación EDPen lankidetza bereziari esker ematen da. DIPCren Patronatuko kideak dira eta Bilbon eta Donostian hartuko dute parte, hurrenez hurren.. Sariak zuzenean iragarriko dituzte topaketan zehar.
Parte hartzeko baldintzak
Ekimenaren hartzaile diren ikastetxeak
Euskal Autonomia Erkidegoko Bigarren Hezkuntzako ikastetxeak, plaza guztiak bete arte.
Parte-hartzaileak:
Ikastetxe bakoitzeko, gehienez bi irakasle eta bost ikasle topaketa bakoitzean.
Ikasleen profila:
2026/2027 ikasturtean DBHko 4. maila edo zientzia-modalitateko batxilergoko bi mailetako edozein egiten ari diren ikasleak. Ikastetxe bakoitzetik parte hartuko duten ikasleen hautaketa izen-ematearen arduradun den irakaslearen irizpidearen araberakoa izango da, eta ez dute zertan ikasturte edo ikasgela berekoak izan.
Parte hartuko duten ikastetxeek bete beharreko baldintzak:
Izena emateko epea 2026ko irailean irekiko da. Izen-ematea ikastetxeak berak egin beharko du DIPCk horretarako egokituko duen intranetaren bidez. Sarbidea webgune honetan bertan argitaratuko da izen-emateko epea irekitzen denean.
Izen-ematea egitean, ikastetxe bakoitzak topaketa batean edo bietan parte hartzeko eskaera egin ahal izango du. Onartutako ikastetxeek posta elektronikoz jasoko dute plaza esleitu zaiela baieztatzen duen mezua, baita behin betiko izen-ematea formalizatzeko jarraibideak ere. Une horretan, parte hartuko duten irakasleen eta ikasleen datuak eman beharko dituzte, baita gonbidatutako zientzialariei egin nahi dizkieten galderak ere.
Parte hartuko duten ikastetxeak hautatzeko irizpideak:
Parte hartuko duten ikastetxeak izen-ematearen hurrenkera zorrotzari jarraituz hautatuko dira, topaketa bakoitzean aurreikusitako edukiera bete arte. Ikastetxe bakoitzak topaketa batean edo bietan eman ahal izango du izena, eta horietan parte hartzeko aukera izango du.
Topaketetan izena ematea doakoa da.
Informazio gehiago eskuratzeko edo edozein zalantza argitzeko, idatzi helbide honetara: topa.p4k@dipc.org